��������

I ddathlu Dydd Menopos y Byd ar ddydd Mawrth 18 Hydref 2022, bydd y Brifysgol yn cynnal digwyddiad ar-lein rhwng 9:30am-10:30am i drafod pwysigrwydd tynnu sylw at y menopos yn y gweithle a chynnig cipolwg ar y ddogfen ganllaw ar y Menopos ynghyd â thrafod sut y gall y ddogfen helpu staff. 

Mae’r brifysgol yn cynnig sesiynau ymarferol erbyn hyn yn benodol ar gyfer rheolwyr llinell, i’ch galluogi i gefnogi cydweithwyr yn ystod y menopos, i helpu i’w cadw’n iach yn y gwaith.

Mae Lolfa Menopos newydd hefyd yn cael ei lansio heddiw, a fydd yn cynnig lle i ddysgu a chael cefnogaeth gan gyfoedion bob mis, gan ddechrau ym mis Rhagfyr. Ymunwch â'r i gael gwybodaeth gyson am ddyddiadau cyfarfodydd ac ymuno â fforwm cefnogi.

Dywed Tracy Hibbert, Cyfarwyddwr Adnoddau Dynol, “Rydym yn croesawu'r cyfle i amlygu'r menopos fel pwnc pwysig a datblygol yma ym Mhrifysgol Bangor sy'n fater iechyd, lles, a rheolaeth yn y gweithle, yn fater i ni gyd ystyried. Rydym wedi ymrwymo i dorri'r tabŵ a chefnogi pob rheolwr i alluogi arferion gorau wrth roi cefnogaeth ar waith i staff sy'n profi symptomau'r menopos yn y gwaith.”